Pagina principală | Ultimele adăugări | Lista de autori | Citate la întâmplare | Votează! | Ultimele comentarii | Adaugă citat

De gallo et iaspide

Dum rigido fodit ore fimum, dum queritat escam,
Dum stupet inuenta iaspide gallus, ait:
"Res uili preciosa loco natique nitoris,
Hac in sorde iacens nil mihi messis habes.
Si tibi nunc esset qui debuit esse repertor,
Quem limus sepelit, uiueret arte nitor.
Nec tibi conuenio, nec tu mihi, nec tibi prosum,
Nec mihi tu prodes, plus amo cara minus."
Tu gallo stolidum, tu iaspide pulcra sophie
Dona notes. stolido nil sapit ista seges.

poezie de Aesopus din FabulaeSemnalează o problemă/completareCitate similare
Adăugat de Dan Costinaş
Comentează! | Votează! | Copiază!

Share

Citate similare

Mihai Eminescu

Super Culmina

Labitur culmen super alta luna,
Leniter frondes quatit atra silva,
Per comas alni sonat usque (amarum!)
Bucina tristis.

Dum sonat late mihi latiusque,
Dum sonat lenis mihi leniorque,
Afficit maesros animos meos cu-
pidine mortis.

Cur taces, cum nunc animum beatus
Corde iam intendo peramanter ad te?
Amplius pro me resonabis unquam,
Bucina dulcis?

poezie de Mihai Eminescu, traducere de V. SulicaSemnalează o problemă/completareCitate similare
Adăugat de Simona Enache
Comentează! | Votează! | Copiază!

Share

De lupo et agno

Est lupus, est agnus. sitit hic, sitit ille. fluentum
Limite non uno querit uterque siti.
In summo bibit amne lupus, bibit agnus in imo.
Hunc timor inpugnat uerba monente lupo:
"Rupisti potumque michi riuoque decorem."
Agnus utrumque negat se racione tuens:
Nec tibi nec riuo nocui. nam prona supinum
Nescit iter nec adhuc unda nitore caret.
Sic iterum tonat ore lupus: Michi dampna minaris.
Non minor, agnus ait. Cui lupus: Immo facis.
Fecit idem tuus ante pater sex mensibus actis.
Cum bene patrisses, crimine patris obi.
Agnus ad hec: Tanto non uixi tempore. Predo
Sic tonat: An loqueris, furcifer? huncque uorat.
Sic nocet innocuo nocuus, causamque nocendi
Inuenit. Hii regnant qualibet urbe lupi.

poezie de Aesopus din FabulaeSemnalează o problemă/completareCitate similare
Adăugat de Dan Costinaş
Comentează! | Votează! | Copiază!

Share
Publilius Syrus

Neminem nec accusaveris nec laudaveris cito.

aforism de Publilius Syrus din SententiaeSemnalează o problemă/completareCitate similare
Adăugat de Dan Costinaş
Comentează! | Votează! | Copiază! | In Romanian

Share

Et mihi res, non me rebus subiungere conor.

Horatius în EpistulaeSemnalează o problemă/completareCitate similare
Adăugat de Dan Costinaş
Comentează! | Votează! | Copiază! | In Romanian

Share

De lupo et grue

Arta lupum cruciat uia gutturis osse retento.
Mendicat medicam multa daturus opem.
Grus promissa petit de faucibus osse reuulso.
Cui lupus: An uiuis munere tuta meo.
Nonne tuum potui morsu precidere collum?
Ergo tibi munus sit tua uita meum.
Nil prodest prodesse malis: mens praua malorum
Inmemor accepti non timet esse boni.

poezie de Aesopus din FabulaeSemnalează o problemă/completareCitate similare
Adăugat de Dan Costinaş
Comentează! | Votează! | Copiază!

Share
Edgar Allan Poe

Corvus

Alta nox erat; sedebam tædio fessus gravi,
Nescio quid exoletæ perlegens scientiæ,
Cum velut pulsantis ortus est sonus meas fores—
Languido pulsantis ictu cubiculi clausas fores:
"En, amicus visitum me serius," dixi, "venit—
Inde fit sonus;—quid amplius?"

Ah! recordor quod Decembris esset hora nubili,
In pariete quod favillæ fingerent imagines.
Crastinum diem petebam; nil erat solaminis,
Nil levaminis legendo consequi curæ meæ:—
De Leonina dolebam, cœlites quam nominant—
Nos non nominamus amplius.

Mœstus aulæi susurros purpurati, et serici,
Horrui vana nec ante cognita formidine;
Propter hoc, cor palpitans ut sisterem, jam dictitans
Constiti, "Meus sodalis astat ad fores meas,
Me meus sero sodalis hic adest efflagitans;
Inde fit sonus;—quid amplius?"

Mente mox corroborata, desinens vanum metum,
"Quisquis es, tu parce," dixi "negligentiæ meæ;
Me levis somnus tenebat, et quantis tam lenibus
Ictibus fores meas, ut irritum sonum excites,
Quem mea vix consequebar aure"—tunc pandi fores:—
Illic nox erat;—nil amplius.

Has tenebras intuebar tum stupens mentu diu,
Hæsitans, et mente fingens quodlibet miraculum;
At tacebat omne limen ferreo silentio,
Et, "Leonina!" inde nomen editum solum fuit;
Ipse dixeram hoc, et echo reddidit loquax idem;—
Hæc vox edita est;—nil amplius.

In cubiclum mox regressus, concitis præcordiis,
Admodum paulo acriorem rursus ictum exaudio.
"Quicquid est, certe fenestras concutit," dixi, "meas;
Eja, prodest experiri quid sit hoc mysterium—
Cor parumper conquiesce, donec hoc percepero;—
Flatus hic strepit;—nil amplius."

Tunc repagulis remotis, huc et huc, en, cursitans,
Et micans alis, verenda forma, corvus insilit.
Blandiens haud commoratus, quam celerrime viam
Fecit et gravis, superbus, constitit super fores—
In caput divæ Minervæ collocans se sculptile
Sedit, motus haud dein amplius.

Nonnihil deliniebat cor meum iste ales niger,
Fronte, ceu Catoniana tetrica me contuens:
"Tu, licet sis capite lævi, tamen es acer, impiger,
Tam verendus," inquam "et ater, noctis e plaga vagans—
Dic, amabo, qui vocaris nocte sub Plutonia?"
Corvus rettulit, "Non amplius."

Ales iste luculenter eloquens me perculit,
Ipsa quamvis indicaret pæne nil responsio;
Namque nobis confitendum est nemini mortalium
Copiam datam videndi quadrupedem unquam aut alitem,
Qui super fores sederet sculptilem premens Deam,
Dictus nomine hoc, "Non amplius."

At sedens super decorum solus ales id caput,
Verba tamquam mente tota dixit hæc tantummodo.
Deinde pressis mansit alis, postea nil proferens,
Donec ægre murmurârim, "Cæteri me negligunt—
Deseret me cras volucris, spes ut ante destitit."
Corvus tunc refert, "Non amplius."

Me statim commovit apta, quam dedit, responsio:
"Ista," dixi, "sola vox est huic opes, peculium,
Quam miser præcepit actus casibus crebris herus
Ingruentibus maligne, donec ingemisceret,
Hanc querulam, destitutus spe, redintegrans diu,
Vocem lugubrem, 'Non amplius.'"

Mox, nam adhuc deliniebat cor meum iste ales niger,
Culcitis stratum sedile colloco adversus fores;
Hac cubans in sede molli mente cogito mea,
Multa fingens continenter, quid voluerit alitis
Tam sinistri, dam tigrantis, tam macri, tam tetrici,
Ista rauca vox, "Non amplius."

Augurans hoc considebam, proferens vocis nihil
Ad volucrem, jam intuentem pupulis me flammeis;
Augurans hôc plus sedebam, segniter fulto meo
Capite culcita decora, luce lampadis lita,
Quam premet puella mollem, luce lampadis litam,
Illa lux mea, ah! non amplius.

Visus aer thureis tunc fumigari odoribus,
Quos ferebant Dî prementes pede tapeta tinnulo.
"En, miser," dixi, "ministrant—Dî tibi nunc exhibent
Otium multùm dolenti de Leonina tua!
Eja, nepenthes potitor, combibens oblivia!"
Corvus rettulit, "Non amplius."

"Tu, sacer propheta," dixi, "sis licet dæmon atrox!—
Tartarus seu te profundus, seu procella huc egerit,
Tu, peregrinans, et audax, hanc malam visens domum,
Quam colit ferox Erinnys—dic mihi, dic, obsecro,
Num levamen sit doloris, quem gero—dic, obsecro!"
Corvus rettulit, "Non amplius."

"Tu, sacer propheta," dixi, "sis licet dæmon atrox!—
Obsecro deos per illos queis uterque cedimus—
Dic dolenti, num remotis in locis olim Elysî
Sim potiturus puella numini carissima,
Num leoninam videbo, cœlites quam nominant."
Corvus rettulit, "Non amplius."

"Ista tempus emigrandi vox notet," dixi fremens—
"Repete nimbum, repete noctis, tu, plagam Plutoniam!
Nulla sit relicta testans pluma commentum nigra!
Mitte miserum persequi me! linque Palladis caput!
E meo tu corde rostrum, postibus formam eripe!"
Corvus rettulit, "Non amplius."

Et sedens pennis quietis usquem corvus, indies,
Sculptilis premit Minervæ desuper pallens caput;
Similis oculos molienti luctuosa dæmoni:
Sub lychno nigrat tapetes fluctuans umbra alitis;
Et mihi mentem levandi subrutam hac umbra meam
Facta copia est—non amplius!

poezie de Edgar Allan Poe (1845), traducere de Lewis GidleySemnalează o problemă/completareCitate similare
Adăugat de Dan Costinaş
Comentează! | Votează! | Copiază! | In English | In Spanish | In Italian | In Romanian

Share

* * *

Animula, vagula, blandula
Hospes comesque corporis
Quae nunc abibis in loca
Pallidula, rigida, nudula,
Nec, ut soles, dabis iocos...

poezie de Hadrian din Historia AugustaSemnalează o problemă/completareCitate similare
Adăugat de Simona Enache
Comentează! | Votează! | Copiază!

Share
Quintilian

Plerique autem, dum pauca ex Gorgia Platonis a prioribus inperite excerpta legere contenti neque hoc totum neque alia eius volumina evolvunt, in maximum errorem inciderunt credunt que eum in hac esse opinione, ut rhetoricen non artem, sed ‘peritiam quandam gratiae ac voluptatis’ existimet, et alio loco ‘civilitatis particulae simulacrum et quartam partem adulationis’, quod duas partes civilitatis corpori adsignet, medicinam et quam interpretantur exercitatricem, duas animo, legalem atque iustitiam, adulationem autem medicinae vocet cocorum artificium, exercitatricis mangonum, qui colorem fuco et verum robur inani sagina mentiantur, legalis cavillatricem, iustitiae rhetoricen.

Quintilian în Inst., 2.15.24, 25Semnalează o problemă/completareCitate similare
Adăugat de Simona Enache
Comentează! | Votează! | Copiază!

Share

Aegroto, dum anima est, spes esse dicitur.

proverbia latinaSemnalează o problemă/completareCitate similare
Adăugat de Florin Mercas
Comentează! | Votează! | Copiază! | In English | In Romanian

Share

Socius cum resisteret communibus servis venalibus ad fugam erumpentibus, vulneratus est: impensam, quam in curando se fecerit, non consecuturum pro socio actione Labeo ait, quia id non in societatem, quamvis propter societatem impensum sit, sicuti si propter societatem eum heredem quis instituere desisset aut legatum praetermisisset aut patrimonium suum neglegentius administrasset: nam nec compendium, quod propter societatem ei contigisset, veniret in medium, veluti si propter societatem heres fuisset institutus aut quid ei donatum esset.

Sextus Pomponius în Digesto, 17.2.60.1Semnalează o problemă/completareCitate similare
Adăugat de Simona Enache
Comentează! | Votează! | Copiază!

Share

Nec Hercules contra plures.

proverbia latinaSemnalează o problemă/completareCitate similare
Adăugat de Dan Costinaş
Comentează! | Votează! | Copiază! | In Romanian

Share

De cane et oue

In causam canis urget ouem. sedet arbiter, audit.
Reddat ouis panem uult canis, illa negat.
Pro cane stat miluus, stat uultur, stat lupus. instant,
Panem quem pepegit reddere, reddat ouis.
Reddere non debet, nec habet quid reddere possit.
Et tamen ut reddat, arbiter instat oui.
Ergo suum, licet instet hyemps, peruendit amictum,
Et boream patitur uellere nuda suo.
Sepe fidem falso mendicat inharcia teste,
Sepe dolet pietas criminis arte capi.

poezie de Aesopus din FabulaeSemnalează o problemă/completareCitate similare
Adăugat de Dan Costinaş
Comentează! | Votează! | Copiază!

Share
Mihai Eminescu

Lacus

Caerulum flavae nemoris beati
Usque nymphaeae onerant lacum; hicce
Contremit lintrem, niveos aquarum
Dum movet orbes.

Litore in longo spatior quietus
Audio exspectoque ut amica lenis
In meum pectus cadat eque scirpis
Exoriatus;

Ut schapham in parvam saliamus ambo
Leniter lympha mihi murmurante
Et gubernaclum fugiat manum atque
Parvula palma;

Ut vehamur lintre lepore capti
Luce sub lunae radiisque blandae -
Lenis in scirpis zephyrus flet atque
Insonet unda!

Non tamen venit. Motor usque solus
Caerulum at stagnum coopertuum amoenae
Flore nympaeae et doleo nimis sus-
piroque frustra.

poezie de Mihai Eminescu din Poësis (Poesii) (1876), traducere de Traian LăzărescuSemnalează o problemă/completareCitate similare
Adăugat de Dan Costinaş
Comentează! | Votează! | Copiază! | In English | In Spanish | In Italian | In Romanian

Share

Quod tibi fieri non vis, alteri ne feciris.

proverbia latinaSemnalează o problemă/completareCitate similare
Adăugat de Micul_Print
Comentează! | Votează! | Copiază! | In Romanian

Share

Ubi lex non distinguit, nec nos distinguere debemus.

în Dicţionar de expresii juridice latineSemnalează o problemă/completareCitate similare
Adăugat de Simona Enache
Comentează! | Votează! | Copiază! | In English | In Romanian

Share
Seneca

Non est philosophia populare artificium nec ostentationi paratum.

Seneca în Epistulae morales ad Lucilium (62)Semnalează o problemă/completareCitate similare
Adăugat de Dan Costinaş
Comentează! | Votează! | Copiază!

Share
Archimedes

Da mihi punctum ubi consistam, et terram movebo.

citat de ArchimedesSemnalează o problemă/completareCitate similare
Adăugat de Mihai Cucereavii
1 comentariu - Comentează! | Votează! | Copiază! | In English | In Spanish | In Italian | In Romanian

Share
Seneca

Homines, dum docent, discunt.

Seneca în Epistulae morales ad Lucilium (62)Semnalează o problemă/completareCitate similare
Adăugat de Dan Costinaş
Comentează! | Votează! | Copiază!

Share

Non itaque concupiscere mulierem, sed concupiscentiae consentire peccatum est; nec voluntas consensus damnabilis est.

Pierre Abelard în Ethica seu Scito te ipsum, IIISemnalează o problemă/completareCitate similare
Adăugat de Simona Enache
Comentează! | Votează! | Copiază!

Share

De duabus canibus

De partu querulam uerborum nectare plenam
Pro cane mota canis suscepit ede canem.
Hec abit, illa manet. hec cursitat, illa quiescit.
Huic tandem a partu rumpitur illa quies.
Illa redit reddique sua iura precatur.
Obserat hec aurem nec minus aure domum.
Plus prece posse minas putat. hec plus bella duobus.
Nescit posse minas plus prece, bella minis.
Cum dolor hanc armet, plus matrem filius armat;
Cedit sola gregi, causaque iusta perit.
Non satis est tutum mellitis credere uerbis.
Ex hoc melle solet pestis amara sequi.

poezie de Aesopus din FabulaeSemnalează o problemă/completareCitate similare
Adăugat de Dan Costinaş
Comentează! | Votează! | Copiază!

Share