Pagina principală | Ultimele adăugări | Lista de autori | Citate la întâmplare | Votează! | Ultimele comentarii | Adaugă citat

Toranius mango Antonio iam triumviro eximios forma pueros, alterum in Asia genitum, alterum trans Alpis, ut geminos vendidit: tanta unitas erat. postquam deinde sermone puerorum detecta fraude a furente increpitus Antonio est, inter alia magnitudinem preti conquerente (nam ducentis erat mercatus sestertiis), respondit versutus ingenii mango, id ipsum se tanti vendidisse, quoniam non esset mira similitudo in ullis eodem utero editis; diversarum quidem gentium natales tam concordi figura reperire super omnem esse taxationem; adeo que tempestivam admirationem intulit, ut ille proscriptor animus, modo et contumelia furens, non aliud in censu magis ex fortuna sua duceret.

Gaius Plinius Secundus în Naturalis historia, 7.56Semnalează o problemă/completareCitate similare
Adăugat de Simona Enache
Comentează! | Votează! | Copiază!

Share

Citate similare

Juris praecepta sunt haec: honeste vivere, alterum non laedere, suum cuique tribuere.

Domitus Ulpian în DigestaSemnalează o problemă/completareCitate similare
Adăugat de Simona Enache
Comentează! | Votează! | Copiază! | In English | In Spanish | In Italian | In Romanian

Share
Edgar Allan Poe

Corvus

Alta nox erat; sedebam tædio fessus gravi,
Nescio quid exoletæ perlegens scientiæ,
Cum velut pulsantis ortus est sonus meas fores—
Languido pulsantis ictu cubiculi clausas fores:
"En, amicus visitum me serius," dixi, "venit—
Inde fit sonus;—quid amplius?"

Ah! recordor quod Decembris esset hora nubili,
In pariete quod favillæ fingerent imagines.
Crastinum diem petebam; nil erat solaminis,
Nil levaminis legendo consequi curæ meæ:—
De Leonina dolebam, cœlites quam nominant—
Nos non nominamus amplius.

Mœstus aulæi susurros purpurati, et serici,
Horrui vana nec ante cognita formidine;
Propter hoc, cor palpitans ut sisterem, jam dictitans
Constiti, "Meus sodalis astat ad fores meas,
Me meus sero sodalis hic adest efflagitans;
Inde fit sonus;—quid amplius?"

Mente mox corroborata, desinens vanum metum,
"Quisquis es, tu parce," dixi "negligentiæ meæ;
Me levis somnus tenebat, et quantis tam lenibus
Ictibus fores meas, ut irritum sonum excites,
Quem mea vix consequebar aure"—tunc pandi fores:—
Illic nox erat;—nil amplius.

Has tenebras intuebar tum stupens mentu diu,
Hæsitans, et mente fingens quodlibet miraculum;
At tacebat omne limen ferreo silentio,
Et, "Leonina!" inde nomen editum solum fuit;
Ipse dixeram hoc, et echo reddidit loquax idem;—
Hæc vox edita est;—nil amplius.

In cubiclum mox regressus, concitis præcordiis,
Admodum paulo acriorem rursus ictum exaudio.
"Quicquid est, certe fenestras concutit," dixi, "meas;
Eja, prodest experiri quid sit hoc mysterium—
Cor parumper conquiesce, donec hoc percepero;—
Flatus hic strepit;—nil amplius."

Tunc repagulis remotis, huc et huc, en, cursitans,
Et micans alis, verenda forma, corvus insilit.
Blandiens haud commoratus, quam celerrime viam
Fecit et gravis, superbus, constitit super fores—
In caput divæ Minervæ collocans se sculptile
Sedit, motus haud dein amplius.

Nonnihil deliniebat cor meum iste ales niger,
Fronte, ceu Catoniana tetrica me contuens:
"Tu, licet sis capite lævi, tamen es acer, impiger,
Tam verendus," inquam "et ater, noctis e plaga vagans—
Dic, amabo, qui vocaris nocte sub Plutonia?"
Corvus rettulit, "Non amplius."

Ales iste luculenter eloquens me perculit,
Ipsa quamvis indicaret pæne nil responsio;
Namque nobis confitendum est nemini mortalium
Copiam datam videndi quadrupedem unquam aut alitem,
Qui super fores sederet sculptilem premens Deam,
Dictus nomine hoc, "Non amplius."

At sedens super decorum solus ales id caput,
Verba tamquam mente tota dixit hæc tantummodo.
Deinde pressis mansit alis, postea nil proferens,
Donec ægre murmurârim, "Cæteri me negligunt—
Deseret me cras volucris, spes ut ante destitit."
Corvus tunc refert, "Non amplius."

Me statim commovit apta, quam dedit, responsio:
"Ista," dixi, "sola vox est huic opes, peculium,
Quam miser præcepit actus casibus crebris herus
Ingruentibus maligne, donec ingemisceret,
Hanc querulam, destitutus spe, redintegrans diu,
Vocem lugubrem, 'Non amplius.'"

Mox, nam adhuc deliniebat cor meum iste ales niger,
Culcitis stratum sedile colloco adversus fores;
Hac cubans in sede molli mente cogito mea,
Multa fingens continenter, quid voluerit alitis
Tam sinistri, dam tigrantis, tam macri, tam tetrici,
Ista rauca vox, "Non amplius."

Augurans hoc considebam, proferens vocis nihil
Ad volucrem, jam intuentem pupulis me flammeis;
Augurans hôc plus sedebam, segniter fulto meo
Capite culcita decora, luce lampadis lita,
Quam premet puella mollem, luce lampadis litam,
Illa lux mea, ah! non amplius.

Visus aer thureis tunc fumigari odoribus,
Quos ferebant Dî prementes pede tapeta tinnulo.
"En, miser," dixi, "ministrant—Dî tibi nunc exhibent
Otium multùm dolenti de Leonina tua!
Eja, nepenthes potitor, combibens oblivia!"
Corvus rettulit, "Non amplius."

"Tu, sacer propheta," dixi, "sis licet dæmon atrox!—
Tartarus seu te profundus, seu procella huc egerit,
Tu, peregrinans, et audax, hanc malam visens domum,
Quam colit ferox Erinnys—dic mihi, dic, obsecro,
Num levamen sit doloris, quem gero—dic, obsecro!"
Corvus rettulit, "Non amplius."

"Tu, sacer propheta," dixi, "sis licet dæmon atrox!—
Obsecro deos per illos queis uterque cedimus—
Dic dolenti, num remotis in locis olim Elysî
Sim potiturus puella numini carissima,
Num leoninam videbo, cœlites quam nominant."
Corvus rettulit, "Non amplius."

"Ista tempus emigrandi vox notet," dixi fremens—
"Repete nimbum, repete noctis, tu, plagam Plutoniam!
Nulla sit relicta testans pluma commentum nigra!
Mitte miserum persequi me! linque Palladis caput!
E meo tu corde rostrum, postibus formam eripe!"
Corvus rettulit, "Non amplius."

Et sedens pennis quietis usquem corvus, indies,
Sculptilis premit Minervæ desuper pallens caput;
Similis oculos molienti luctuosa dæmoni:
Sub lychno nigrat tapetes fluctuans umbra alitis;
Et mihi mentem levandi subrutam hac umbra meam
Facta copia est—non amplius!

poezie de Edgar Allan Poe (1845), traducere de Lewis GidleySemnalează o problemă/completareCitate similare
Adăugat de Dan Costinaş
Comentează! | Votează! | Copiază! | In English | In Spanish | In Italian | In Romanian

Share

Nam et ipsum ius honorarium viva vox est iuris civilis.

citat de Aelius MarcianusSemnalează o problemă/completareCitate similare
Adăugat de Simona Enache
Comentează! | Votează! | Copiază!

Share

Numquam aliud natura, aliud sapientia dicit.

Iuvenalis în SaturaeSemnalează o problemă/completareCitate similare
Adăugat de Dan Costinaş
Comentează! | Votează! | Copiază!

Share

Da mi basia mille, deinde centum, deinde mille altera, deinde centum.

citat de CatullusSemnalează o problemă/completareCitate similare
Adăugat de Dan Costinaş
Comentează! | Votează! | Copiază!

Share

Eum, qui venaliciariam vitam exercebat, puto suorum numero non facile contineri velle eiusmodi mancipia, (nisi evidens voluntas fuit etiam de his sentientis): nam quos quis ideo comparavit, ut ilico distraheret, mercis magis loco quam suorum habuisse credendus est.

Domitus Ulpian în Digesto, 32.73.4Semnalează o problemă/completareCitate similare
Adăugat de Simona Enache
Comentează! | Votează! | Copiază!

Share
Cicero

Qualis autem homo ipse esset, talem esse eius orationem.

citat de CiceroSemnalează o problemă/completareCitate similare
Adăugat de Simona Enache
Comentează! | Votează! | Copiază!

Share
Mihai Eminescu

Super Culmina

Labitur culmen super alta luna,
Leniter frondes quatit atra silva,
Per comas alni sonat usque (amarum!)
Bucina tristis.

Dum sonat late mihi latiusque,
Dum sonat lenis mihi leniorque,
Afficit maesros animos meos cu-
pidine mortis.

Cur taces, cum nunc animum beatus
Corde iam intendo peramanter ad te?
Amplius pro me resonabis unquam,
Bucina dulcis?

poezie de Mihai Eminescu, traducere de V. SulicaSemnalează o problemă/completareCitate similare
Adăugat de Simona Enache
Comentează! | Votează! | Copiază!

Share
Cicero

Omni autem in re consensio omnium gentium lex naturae putanda est.

Cicero în Tusculanae disputationesSemnalează o problemă/completareCitate similare
Adăugat de Dan Costinaş
Comentează! | Votează! | Copiază! | In English | In Romanian

Share

Feminam bonis atque honestis moribus, non ambigua pudicita, in undecimo mense post mariti moritem peperisse, factumque esse negotium propter rationem temporis, quasi marito mortuo postea concepisset, quoniam decemviri in decem mensibus gigni hominem, non in undecimo scripsissent.

în Lex XII Tabularum, Tabula IV, art. 4Semnalează o problemă/completareCitate similare
Adăugat de Simona Enache
Comentează! | Votează! | Copiază!

Share

Proponitur actio ex hoc edicto in eum cuius maxima pars in venditione fuerit, quia plerumque venaliciarii ita societatem coeunt, ut quidquid agunt in commune videantur agere: aequum enim aedilibus visum est vel in unum eius, cuius maior pars aut nulla parte minor esset, aedilicias actiones competere, ne cogeretur emptor cum multis litigare, quamvis actio ex empto cum singulis sit pro portione, qua socii fuerunt: nam id genus hominum ad lucrum potius vel turpiter faciendum pronius est.

Paul în Digesto, 21.1.44.1Semnalează o problemă/completareCitate similare
Adăugat de Simona Enache
Comentează! | Votează! | Copiază!

Share

De oue et capra et iuuenca et leone

Vt racione pari fortune munera sumant,
Sumunt fedus ouis capra iuuenca leo.
Ceruus adest. ceruum rapiunt. leo sic ait: Heres
Prime partis ero. nam michi primus honor.
Et michi defendit partem uis prima secundam,
Et michi dat maior tercia iura labor.
Et pars quarta meum, nisi sit mea, rumpit amorem.
Publica solus habet forcior, ima premens.
Ne fortem societ fragilis, uult fabula presens.
Nam fragili fidus nesciet esse potens.

poezie de Aesopus din FabulaeSemnalează o problemă/completareCitate similare
Adăugat de Dan Costinaş
Comentează! | Votează! | Copiază!

Share

Socius cum resisteret communibus servis venalibus ad fugam erumpentibus, vulneratus est: impensam, quam in curando se fecerit, non consecuturum pro socio actione Labeo ait, quia id non in societatem, quamvis propter societatem impensum sit, sicuti si propter societatem eum heredem quis instituere desisset aut legatum praetermisisset aut patrimonium suum neglegentius administrasset: nam nec compendium, quod propter societatem ei contigisset, veniret in medium, veluti si propter societatem heres fuisset institutus aut quid ei donatum esset.

Sextus Pomponius în Digesto, 17.2.60.1Semnalează o problemă/completareCitate similare
Adăugat de Simona Enache
Comentează! | Votează! | Copiază!

Share

Non itaque concupiscere mulierem, sed concupiscentiae consentire peccatum est; nec voluntas consensus damnabilis est.

Pierre Abelard în Ethica seu Scito te ipsum, IIISemnalează o problemă/completareCitate similare
Adăugat de Simona Enache
Comentează! | Votează! | Copiază!

Share
Aristoteles

Ingredi ad iudicem est autem ire ad iustitiam; quia iudex sit in quodam modo iustitia viva.

Aristoteles în Ethica NichomacheaSemnalează o problemă/completareCitate similare
Adăugat de Dan Costinaş
Comentează! | Votează! | Copiază!

Share

Nulla res tam necessaria est quam medicina.

proverbia latinaSemnalează o problemă/completareCitate similare
Adăugat de Dan Costinaş
Comentează! | Votează! | Copiază! | In Romanian

Share

Ipsa quidem virtus sibimet pulcherrima merces.

Silius Italicus în Punica, XIIISemnalează o problemă/completareCitate similare
Adăugat de Simona Enache
Comentează! | Votează! | Copiază!

Share

Compensatio est debiti et crediti inter se contribuito.

citat de Herenius ModestinusSemnalează o problemă/completareCitate similare
Adăugat de Simona Enache
Comentează! | Votează! | Copiază! | In Romanian

Share

Amicitia inter pocula contracta plerumque vitrea est.

citat de Ioachim CamerariusSemnalează o problemă/completareCitate similare
Adăugat de Dan Costinaş
Comentează! | Votează! | Copiază!

Share

De mure et rana

Muris iter rumpente lacu uenit obuia muri
Rana loquax et opem pacta nocere cupit.
Omne genus pestis superat mens dissona uerbis,
Cum sentes animi florida lingua polit.
Rana sibi murem filo confederat. audet
Nectere fune pedem, rumpere fraude fidem.
Pes coit ergo pedi, sed mens a mente recedit.
Ecce natant. trahitur ille, sed illa trahit.
Mergitur ut secum murem demergat. amico
Naufragium faciens naufragat ipsa fides.
Rana studet mergi, sed mus emergit et obstat
Naufragio. uires suggerit ipse timor.
Miluus adest, miserumque truci rapit ungue duellum.
Hic iacet, ambo iacent, uiscera trita fluunt.
Sic pereant, qui se prodesse fatentur et obsunt.
Discat in auctorem pena redire suum.

poezie de Aesopus din FabulaeSemnalează o problemă/completareCitate similare
Adăugat de Dan Costinaş
Comentează! | Votează! | Copiază!

Share